ഒടിയനിലെ പുതിയ രൂപവുമായി മോഹന്ലാലിന്റെ കിടിലം ലുക്ക്
യുവത്വവും ചുറുചുറുക്കും നിറഞ്ഞ മാണിക്യന്റെ ലുക്ക് മോഹന്ലാല് തന്നെ ഈ മാസം 13ന് സമൂഹമാധ്യമത്തിലൂടെ പുറത്തുവിടുമെന്നും ഇതിന്റെ ടീസര് ലോഞ്ച് 12ന് ഉണ്ടാകുമെന്നും ഒടിയന് ടീം അറിയിച്ചിരുന്നു. എന്നാല് മോഹന്ലാല് പുറത്തുവിടുന്നതിന് മുമ്പ് തന്നെ പുതിയ ലുക്കിലെ മോഹന്ലാല് ചിത്രം മനോരമ പ്രസിദ്ധികരിച്ചിരിക്കുകയാണ്.
അന്പത്തിയൊന്നു ദിവസം നീണ്ട ‘തപസ്സ്’. ശരീരത്തെയും മനസ്സിനെയും മെരുക്കി ‘യൗവനം’ തിരിച്ചുപിടിക്കാന് കഠിനവ്രതത്തോടു കൂടിയ പരിശീലനം. ഒടുവില് 18 കിലോ തൂക്കം കുറച്ചു പുതിയ രൂപത്തില് മോഹന്ലാല് അവതരിച്ചു. ‘ഒടിയന്’ എന്ന പുതിയ സിനിമയിലെ കഥാപാത്രമായ മാണിക്യന്റെ യൗവനകാലത്തിനു വേണ്ടിയായിരുന്നു ഈ ഒരുക്കം.
ഫ്രാന്സില്നിന്നുള്ള ഡോക്ടര്മാരും ഫിസിയോതെറപ്പിസ്റ്റുകളും അടങ്ങിയ വിദഗ്ധ സംഘത്തിന്റെ നേതൃത്വത്തിലായിരുന്നു പരിശീലനം. ലോകനിലവാരമുള്ള കായികതാരങ്ങളെയും ഹോളിവുഡ് താരങ്ങളെയും പരിശീലിപ്പിക്കുന്ന സംഘമാണിതെന്ന് മനോരമ പറയുന്നു.
Comments
Post a Comment